Geo | Eng | Rus
სარეკლამო ადგილი - 3
570 x 120
რიცოლი: “შვაინშტაიგერის მხრიდან ხელით თამაშის ეპიზოდში კარგ პოზიციაში ვიყავი”
2016-07-09 13:43 | ნახვები: 3221
12
სარეკლამო ადგილი - 10
710 x 106

იტალიელმა არბიტრმა ნიკოლა რიცოლიმ, რომელიც გერმანიისა და საფრანგეთის ნაკრებთა შორის გამართულ ევრო 2016-ის ნახევარფინალურ მატჩს მოემსახურა, Sky Sport Italia-სთვის მიცემულ ინტერვიუში სხვა საკითხებთან ერთად მის მიერ პირველი ტაიმის ბოლოს დანიშნულ პენალტზეც ისაუბრა და აღნიშნა, რომ კარგ პოზიციაში აღმოჩნდა, რამაც საშუალება მისცა შვაინშტაიგერის მხრიდან თამაშის წესის დარღვევა არ გამორჩენოდა.

“სიამაყის გრძნობას განვიცდი ასეთი მატჩის მსაჯობა რომ მხვდა წილად. ეს იყო ევროპის ჩემპიონატის უმნიშვნელოვანესი თამაში ავტორიტეტული და დიდი ტრადიციების მქონე გუნდების მონაწილეობით. გული დამწყდა თუ არა ფინალზე რომ არ დამნიშნეს? სულაც არა, ჩემთვის გერმანია-საფრანგეთი იყო საუკეთესო. რაც შეეხება პენალტის ეპიზოდს, რთული და მოულოდნელი მომენტი იყო. ვფიქრობ, მაყურებელთა 99-მა პროცენტმა ვერ დაინახა რა მოხდა, თუმცა საბედნიეროდ, მე კარგ პოზიციაში ვიყავი მომხდარი რომ შემეფასებინა და შესაბამისი გადაწყვეტილება მიმეღო” - ამბობს იტალიელი არბიტრი.

საფრანგეთის ნაკრებმა ევროპის ჩემპიონატის ნახევარფინალში გერმანია 2:0 დაამარცხა და ფინალში 10 ივლისს პორტუგალიის ნაკრებს დაუპირისპირდება.



Deprecated: mysql_connect(): The mysql extension is deprecated and will be removed in the future: use mysqli or PDO instead in /home/worldsport/web/worldcup.worldsport.ge/public_html/pages/wsComments.php on line 55

Warning: mysql_connect(): Access denied for user 'admin_worldsport'@'localhost' (using password: YES) in /home/worldsport/web/worldcup.worldsport.ge/public_html/pages/wsComments.php on line 55
Cannot access MySQL Host