Geo | Eng | Rus
სარეკლამო ადგილი - 3
570 x 120
ევრო 2016-ის მასპინძელი სტადიონები – “სტად დე ლიონი”
2016-06-08 14:51 | ნახვები: 1374
1
სარეკლამო ადგილი - 10
710 x 106

ლიონის ულტრათანამედროვე სტადიონი სპეციალურად ევრო 2016-ისთვის გაიხსნა.

ლიონი – ფეხბურთი ქალაქში

1987 წლიდან საფეხბურთო კლუბ “ლიონის” პრეზიდენტი ჟან მიშელ ოლაა და გუნდს საუკეთესო წლები სწორედ მისი პატრონაჟის ქვეშ დაუდგა. ეს 2000-იან წლებში გახლდათ. “ოლიმპიკი” ისტორიაში პირველად საფრანგეთის ჩემპიონი 2002 წელს გახდა, როცა “ლანსს” 3:1 მოუგო. “ლიონმა” ლიგა 1-ში ზედიზედ 7-ჯერ გაიმარჯვა. 2008 და 2012 წლებში კი საფრანგეთის თასი მოიგო.

ბოლო პერიოდში “ლიონი” ისეთი მრისხანე ვეღარაა, როგორც XXI საუკუნის დასაწყისში, თუმცა გუნდი ჩემპიონთა ლიგაზე გასვლას ზედიზედ ორი წელია მაინც ახერხებს.

ცნობილი საფეხბურთო მოღვაწეები ლიონიდან

ბერნარ ლაკომბი (1952-):საფრანგეთის ჩემპიონატის ისტორიაში საუკეთესო მეკარე 255 გოლით. ევრო 1984-ის გამარჯვებული.

იური ჯორკაეფი (1968-):მსოფლიოსა და ევროპის ჩემპიონი. სხვათა შორის, მას “ლიონში” არასდროს უთამაშია.

ჟუნიონიო პერნამბუკანო (1975-):ლიონის “ოლიმპიკის” ლეგენდარული ფეხბურთელი. 2002-2008 წლებში მიჯრით გახდა საფრანგეთის ჩემპიონი.

ერიკ აბიდალი (1979-):ლავალში დაიბადა, მაგრამ ახალგაზრდული კარიერა “ლიონ დუშერში” დაიწყო. მთავარ გუნდში 2004 წელს მოხვდა.

ქარიმ ბენზემა (1987-):“ლიონის” აკადემიის საუკეთესო აღზრდილი. ევროპის ჩემპიონატზე უნდა ეთამაშა, მაგრამ სკანდალის გამო ნაკრებიდან მოკვეთილია.

ევროპის ჩემპიონატის მასპინძელი სხვა ქალაქებიდან მანძილი

სენტ ეტიენი – 65 კმ

მარსელი – 315 კმ

პარიზი – 465 კმ

სენ დენი – 480 კმ

ნიცა – 480 კმ

ტულუზა – 540 კმ

ბორდო – 555 კმ

ლილი – 690 კმ

დაშორება “სტად დე ლიონიდან” – ქალაქის ცენტრამდე 12 კმ, აეროპორტამდე 15 კმ.

სტადიონი – “სტად დე ლიონი”

ტევადობა:59 000

გუნდი:“ლიონი”

გახსნა:2016 წლის იანვარი

“ლიონის ყველა ბინადრის ოცნება ახდება”, - განაცხადა ქალაქ ლიონის მერმა ჟერარ კოლომბმა 2013 წლის ნოემბერში, როდესაც ჟან-მიშელ ოლასთან ერთად სტადიონის მშენებლობას საფუძველი ჩაეყარა.

ახალმა არენამ ძველი “სტად ჟერლანი” ჩაანაცვლა, რომელზეც “ლიონი” 1950 წლიდან მოყოლებული თამაშობდა და რომელმაც ევროპის 1984 წლის ჩემპიონატის 7 მატჩს უმასპინძლა, მათ შორის დანია – იუგოსლავიას (5:0) და ნახევარფინალს ესპანეთსა და დანიას შორის. მსოფლიოს 1998 წლის ჩემპიონატის თამაშებიც ჩატარდა “ჟერლანზე” მაგალითად ცნობილი მეოთხედფინალი გერმანიასა და ხორვატიას (0:3) შორის.

ლიონის ახალი სტადიონი ოფიციალურად მიმდინარე წლის 9 იანვარს, ლიგა 1-ის კალენდარულ მატჩში “ტრუასთან” (4:1) თამაშით გაიხსნა.

ევროპის ჩემპიონატზე ექვს თამაშს უმასპინძლებს

ჯგუფური ეტაპი

13 ივნისი, 23:00 საათი. ბელგია – იტალია

16 ივნისი, 20:00 საათი. უკრაინა – ჩრდილოეთ ირლანდია

19 ივნისი, 23:00 საათი. რუმინეთი – ალბანეთი

22 ივნისი, 20:00 საათი. უნგრეთი – პორტუგალია

მერვედფინალი

26 ივნისი, 17:00 საათი. A1 – 3C/D/E

ნახევარფინალი

6 ივლისი, 23:00 საათი. 45-ე თამაშის გამარჯვებული – 46-ის გამარჯვებული



Deprecated: mysql_connect(): The mysql extension is deprecated and will be removed in the future: use mysqli or PDO instead in /home/worldsport/web/worldcup.worldsport.ge/public_html/pages/wsComments.php on line 55

Warning: mysql_connect(): Access denied for user 'admin_worldsport'@'localhost' (using password: YES) in /home/worldsport/web/worldcup.worldsport.ge/public_html/pages/wsComments.php on line 55
Cannot access MySQL Host